Ikipe ya SINA GERARD FC y’abagore uyumunsi kuwa gatanu izindukiye mu majonjora yogushaka abakinnyi bazayifasha muri shampiyona y’ikiciro cya kabiri mubagore.

Ikipe y’urubyiruko rwokuri Base bita BETTER FC iracakirana n’Ikipe ya police y’Urwanda

Ikipe y’igihugu Amavubi yazamutseho imyanya 4 ku rutonde ngaruka kwezi, u Rwanda rwavuye ku mwanya 130, tugera ku mwanya 126.

Ikipe ya Djibouti yamaze kwemererwa kuzakirira u Rwanda i Kigali mu mukino ubanza w’ijonjora rya mbere rya CHAN 2024 uteganyijwe tariki 25-27 Ukwakira. Biravugwa ko amafaranga azava kuri uyu mukino azaba ari aya Djibouti.

Nyuma y’inama yateranye ikemezako shampiyona igomba gusubukurwa, FERWAFA yabihaye umucyo shampiyona igomba gukomeza muri iyi weekend, ndetse no kuwa Mbere.

Umukino wa APR FC na Gasogi United washyizwe saa 19:00 kuri uyu wa Gatandatu kuri Kigali Pele Stadium, ni mugihe iyi stade izabanza kwakira umukino wa Rayon Sports na Bugesera uzaba wabaye saa 15:00, ikipe ya Bugesera yahize gutsinda uyu mukino, ku ruhande rwa Rayon Sports bo ngo ntibakibagirwa uburyo aka gakipe kayisezereye mu mikino y’igikombe cy’Amahoro.

Imikino izaba kuwa Gatandatu;
15:00 Rayon Sports vs Bugesera (Kigali Pele)                                                                                                                                    15:00 Etincelles vs Amagaju Fc (Umuganda)
15:00 Musanze Fc vs Mukura (Ubworoherane)
15:00 Muhazi Utd vs Rutsiro Fc (Ngoma)                                                                                                                                            19:00 APR FC vs Gasogi Utd (Kigali Pele)

Ku cyumweru;
15:00 Police vs Gorilla Fc (Kigali Pele)
15:00 Marines Fc vs Kiyovu Sports (Umuganda)

Kuwa mbere;                                                                                                                                                                                                    15:00 AS Kigali vs Vision Fc kuri Kigali Pele Stadium.

Buregeya Prince wabaye kapiteni wa APR FC yasinye muri AS Kigali, uyu myugariro yasinye amasezerano y’umwaka umwe.

Rwanda Volleyball season 2024-2025 iratangirira muri Pt Stade kuri uyu wa 5, mu bagore saa 17h00
RRA WVC izakina na Kepler WVC naho mu bagabo saa moya REG VC irakina na Police VC. Iyi mikino izakomeza ejo kuwa 6 harimo uwa Kepler na Gisagara.

Abayobozi ba Kaizer C bashyizeho Cedric Kaze nk’umutoza mushya wungirije. Uyu Kaze aje yinyongera ku mutoza Nasreddine Nabi ushinzwe tekinike, iyi kipe yabikoze mu rwego rwo gukomeza kureba ko yakomeza kwitwara neza.

I Burayi

Umunya- Espain Luis Enrique utoza PSG yasinye amasezerano mashya azamugeza muri 2027, ni mugiye yarafite amasezerano azamugeza muri 2025 kuko uyu mutoza yari yayigezemo muri 2023 asinyishwa imyaka 2.

Perezida wa FC Barcelona, Joan Laporta yatangaje ko banze ubusabe bwa Paris Saint-Germain yifuzaga kugura Lamine Yamal miliyoni 250€.

Umwongereza Kyle Walker ukinira ikipe ya Man City aganira n’ikinyamakuru BBC yavuze ko atemeranya n’abavuga ko ikipe y’Ubwongereza yakabaye itozwa n’umwongereza, ahubwo ko we ashyigikiye uwaza wese akabona itsinzi, yavuze ko Tuchel watoje amakipe akomeye ndetse akabana n’abakinnyi bakomeye, akanatwara igikombe cya UCL muri Chelsea atsinze Man City, avuga Tuchel ashoboye.

Yanditswe na NKURUNZIZA Bonaventure.