NIGERIYA: Imfungwa zirenga 250 zatorotse geteza.

Ubuyobozi bw’Urwego rushinzwe amagereza muri Nigeria bwatangaje ko umwuzure wibasiye gereza iri mu gace ka Maiduguri mu Cyumweru gishize watumye abagera kuri 281 bari bayifungiyemo batoroka.

Umuvugizi w’uru rwego, Umar Abubakar, yavuze ko barindwi muri aba batorotse bamaze gufatwa n’inzego z’umutekano, ko “Uyu mwuzure wasenye inkuta z’inyubako za gereza”.

Umar Abubakar yavuze ko kugeza ubu hari gukorwa iperereza kugira ngo izindi mfungwa zisigaye nazo zifatwe.

Maiduguri ni Umurwa Mukuru wa Leta ya Borno. Mu Cyumweru gishize yibasiwe n’umwuzure ukomeye watewe no kuzura k’urugomero kubera imvura nyinshi yaguye.

Uyu mwuzure wahitanye abagera kuri 30 mu gihe abandi babarirwa muri miliyoni bavuye mu byabo

Yanditswe na NKURUNZIZA Bonaventure.